Извршниот директор на израелската компанија BlueBird Aero Systems, Ронен Надир, најави дека наскоро ќе започне производството на беспилотни летала камикази во фабрика во Мароко. Со флота од 233 беспилотни летала, главно од Израел, САД и Турција, Мароко се позиционираше како втора најголема сила на беспилотни летала во Африка, по Египет.
Надир за аргентинскиот портал Zona Militar објасни дека компанијата веќе има производствен капацитет кој наскоро ќе почне со работа. Israel Aerospace Industries (IAI), една од водечките одбранбени компании во Израел, поседува и 50 отсто од акциите на BlueBird.
Производството на израелски воени материјали во Мароко дополнително ги зајакнува односите меѓу двете земји, бидејќи Рабат побара различни воени материјали од израелското Министерство за одбрана откако двете земји воспоставија дипломатски односи во 2020 година.
Имено, Мароко се согласи да го купи израелскиот систем против дронови Skylock Dome и набави 150 дронови eVTOL од компанијата BlueBird, како и системите за надзор Spy X, исто така, произведени од BlueBird.
