Во врска со нападот со ирански беспилотни летала врз Израел, американскиот претседател Џо Бајден ќе се сретне со претставници на Советот за национална безбедност во Белата куќа по неговото враќање од Рехобот, Делавер, се вели во соопштението на Белата куќа.
Претседателот претходно беше информиран за ситуацијата на Блискиот Исток од советникот за национална безбедност Џејк Саливан и главниот заменик советник за национална безбедност Џон Финер.
Белата куќа додаде дека меѓу присутните ќе бидат и министерот за одбрана Лојд Остин, државниот секретар Ентони Блинкен и претседателот на Здружениот генералштаб, генерал Чарлс К. Браун.
Потпретседателката Камала Харис и шефот на кабинетот на Бајден Џеф Зиентс „ќе присуствуваат преку безбедно видео“, соопшти Белата куќа.
(Vijesti.ba)
