Белград: Тркало паднало од автобус, удрило во две жени

Невообичаена сообраќајна несреќа се случи денеска во близина на паркот Караѓорѓев во правец на Автокоманда во Белград, кога тркало паднало од автобус и удрило во две жени.

Како што дознава РТС, несреќата се случила во 13 часот и 35 минути на Булеварот Ослободување во правец кон Автокоманда, кога од автобусот на линијата 78 паднало задното тркало.

Во таа прилика две жени кои биле на тротоар биле повредени и тие се пренесени во Ургентниот центар.

На терен се голем број возила на сообраќајната полиција.

(Vijesti.ba)