Околу 4.000 Палестинци минатата година мораа да ги напуштат своите домови на окупираниот Западен Брег поради израелските рации, апсења и насилство од страна на еврејските доселеници, јавува Anadolu.
Во извештајот објавен од Канцеларијата на Обединетите нации за координација на хуманитарни прашања (OCHA) се дадени информации за Палестинците на Западниот Брег кои беа раселени поради насилството и практиките на еврејските доселеници од страна на израелските сили минатата година.
Во извештајот се наведува дека минатата година рекорден број Палестинци биле принудени да ги напуштат своите домови на Западниот Брег – околу 4.000.
Во извештајот се наведува дека главната причина за раселувањето е насилството на еврејските доселеници и политиката на израелските сили кои ги спречуваат жителите да пристапат до нивната земја.
Причината поради која Палестинците ги напуштаат своите домови е уништувањето на нивниот имот, систематската дискриминација, апсењата и рациите на израелските сили.
Во извештајот се вели дека практиките биле имплементирани од или со одобрение на израелските власти за да ги принудат Палестинците да ги напуштат своите домови и земји, и ја зголеми загриженоста за „присилното раселување“ што е кршење на меѓународното право.
Тие потсетија дека израелските власти како причина за уништувањето на палестинските куќи ја наведуваат „дивоградбата“.
Во 1995 година, палестинската и израелската делегација го потпишаа таканаречениот „Втор договор од Осло“, според кој окупираниот Западен Брег беше поделен на три зони.
Зоната „А“ опфаќа 18 отсто од територијата на Западниот Брег, а административната и безбедносната власт ја имаат Палестинците. Зоната „Б“ сочинува 21 отсто од Западниот Брег и ги дели административните и безбедносните одговорности. Третата и најголема зона „Ц“ опфаќа 61 отсто од Западниот Брег и е целосно под контрола на Израел.
За време на рациите што израелските сили ги извршија во областа, беа урнати 222 згради, главно во зоната „А“.
