Израелската министерка за социјална еднаквост Меј Голан изјави дека е „горда“ на уништувањето што го предизвика израелската армија во Појасот Газа.
Говорејќи за време на седницата на Кнесетот, израелскиот парламент, во средата вечерта, Голан му се закани на лидерот на Хамас во Газа, Јахја Синвар, со обезглавување или апсење.
– Не се срамиме да кажеме дека сакаме да видиме како војниците на ИД (Израелската армија) ги зграпчуваат Синвар и неговите терористи за очи и ги влечат низ Појасот Газа на патот кон затворите на Затворската управа – рече таа.
Таа нагласи:
– Јас лично сум горд на урнатините на Газа и дека секое бебе, дури и 80 години од сега, ќе им кажува на своите внуци што правеле Евреите. Без гулаб и без маслиново гранче, само меч да му ја отсече главата на Синвар, тоа ќе добие од нас.
QUE BANDIDA! May Golan do Likud, Ministra da Igualdade Social e Avanço da Mulher de Israel: "Estou pessoalmente orgulhosa das ruínas de Gaza, e de que cada bebê, mesmo daqui a 80 anos, irá contar aos seus netos o que os judeus fizeram".
LULA TEM RAZÃO
— Lázaro Rosa ???????? (@lazarorosa25) February 22, 2024
29.410 Палестинци беа убиени во израелските напади врз Појасот Газа, обвинети за геноцид, од 7 октомври.
На 26 јануари, по тужбата за геноцид поднесена од Јужноафриканската Република, Меѓународниот суд на правдата пресуди дека Израел мора да се воздржи од какви било активности поврзани со убиства, напади и уништување на жителите на Појасот Газа и да ги преземе сите мерки за да спречи геноцид.
Според Обединетите нации, поради израелската офанзива, 85 отсто од населението на Појасот Газа е внатрешно раселено и се соочува со акутен недостиг на храна, чиста вода и лекови, додека 60 отсто од инфраструктурата на енклавата е оштетена или уништени.
