Бразилскиот министер за надворешни работи Мауро Виеира вчера, 19 февруари,го повика израелскиот амбасадор во Бразил, откако претседателот Луис Инасио Лула да Силва беше прогласен за „персона нон грата“ во Израел поради споредувањето на војната во Појасот Газа со Холокаустот.
„Поради сериозноста, министерот Мауро Виеира го покани на разговор израелскиот амбасадор Даниел Зоншајн“, соопшти бразилското Министерство за надворешни работи.
Тој повика и на консултации со бразилскиот амбасадор во Тел Авив, Фредерик Мајер, кој утре ќе отпатува за Бразил.
Бразилскиот претседател Лула денеска го обвини Израел за геноцид врз Палестинците во Појасот Газа, споредувајќи ја израелската офанзива со нацистичкото истребување на Евреите.
Израелскиот министер за надворешни работи, Израел Кац, денеска објави дека Лула затоа е „персона нон грата“ во Израел додека не се извини и не ги повлече своите зборови.
Израелскиот премиер Бенјамин Нетанјаху ја осуди изјавата на Лула како „срамна“. Лула го осуди нападот на Хамас врз Израел на 7 октомври како „тероризам“, но оттогаш е многу критичен кон Израел.
Извор: hina.hr
