Јужна Африка во вторникот го повика Меѓународниот суд на правдата (МСП) да издаде необврзувачко правно мислење дека израелската окупација на палестинските територии е нелегална, тврдејќи дека тоа ќе помогне во напорите за постигнување решение.
Претставниците на Јужноафриканската Република го отворија вториот ден од сослушувањата пред МСП. Сослушувањето следи по барањето на Генералното собрание на ОН за советодавно или необврзувачко мислење за окупацијата во 2022 година. Повеќе од 50 земји ќе ги претстават своите аргументи до 26 февруари.
Во понеделникот, палестинските претставници побараа од Врховниот суд на ОН да ја прогласи окупацијата на Израел на нивната територија за нелегална, велејќи и дека советодавното мислење на судот може да придонесе за решение со две држави и траен мир.
Израел не присуствува на сослушувањата, но испрати писмено соопштение во кое се вели дека советодавното мислење ќе биде штетно за постигнување договор со Палестинците.
