Израелскиот премиер Бенјамин Нетанјаху се согласи со предлогот на Катар за прекин на огнот во Газа без претходно да се консултира со воениот кабинет, објави израелската државна телевизија КАН.
Директорот на израелската странска разузнавачка агенција Мосад, Дејвид Барнеа, за време на состаноците на кои учествуваше со египетски и катарски претставници во Париз, доби одобрение од премиерот Нетанјаху за прекин на огнот за продолжување на преговорите за различни фази од договорот меѓу конфликтните страни.
Извор близок до Воениот кабинет рече дека членовите станале свесни за ова прашање по одобрението од премиерот.
Во интервју за „Једиот Ахранот“, израелските власти изјавија дека „нема да се согласат да се запре војната“ како одговор на барањето на Хамас за ослободување на затворениците во Газа и повлекување на армијата од Газа.
Официјални лица тврдеа дека нацрт-договорот предвидува ослободување на 1.500 палестински затвореници, вклучително и „имиња од висок профил“ во израелските затвори.
Во изјава за АА, палестински извори објавија дека Хамас го прифатил планот, кој предвидува размена на затвореници во три фази и прекин на огнот во Газа, секој во траење од 45 дена.
