Пациентите често доаѓаат со барање да им се дадат антибиотици кои ги користеле членовите на нивното семејство или соседите и дека често се случува да не го знаат ни името на тие лекови, туку само да кажат „дај ми ги тие капсули што се црвено-црни“, вели доктор Валдет Хашани од Приштина.
За да купите два вида антибиотици во аптеките во Приштина, Косово, потребни ви се околу седум евра и 60 центи. Освен пари, продавачите не бараат ништо друго, дури ни лекарски рецепт.
„Да, издаваме антибиотици и без рецепт… Зошто, нешто не е во ред?!“, изјави за Радио Слободна Европа (РСЕ), вработена во аптека во приштинската населба Дарданија.
Таа по професија е фармацевтски техничар, а не фармацевт, но сепак дава упатства како да се користи антибиотикот Амоксицилин.
Повеќе на РСЕ
