Припадник на израелската армија (ИДФ) почина откако се заразил со опасен вид габа додека се борел во Појасот Газа, објави израелската јавна телевизија Кан.
Војникот бил донесен во Медицинскиот центар Асута Ашдод пред две недели со тешки повреди на екстремитетите, се наведува во извештајот. И покрај деноноќната грижа, габата се покажала отпорна на лекување и војникот им подлегнал на раните.
Се верува дека околу десет војници се заразени со истата габа и дека се лекуваат во Израел, изјави во вторникот наутро за Радио Кан поранешниот директор на Одделот за заразни болести на медицинскиот центар Шеба.
Се верува дека потеклото на габата е почва што била загадена со отпадни води.
Инфекцијата потоа се пренесува преку раните што ги добиле војниците кои се борат во Газа, но кои поради условите на теренот не можат да се држат стерилни.
(Vijesti.ba)
