Израелскиот производител на кафе „Strauss Coffee Israel“ денеска објави нова линија на пакување за еден од своите најпознати производи, елитното турско кафе, поради притисокот на јавноста против Турција заради поддршката на Истанбул за Палестина во конфликтот во Газа.
Компанијата денеска објави дека новото привремено пакување ќе го задржи својот препознатлив изглед, со додавање на израелското знаме и патриотски слогани како „Победа генерација“, „Заедно посилни“ и „Живее нацијата на Израел“, пренесува Тајмс оф Израел. .
Компанијата додава дека популарниот и повеќедецениски бренд на Штраус „Туркиш кафе“ е наменет за правење кафе во турски стил или нема ништо друго со таа земја.
Ави Лауфер, извршен директор на компанијата Штраус, изјави дека имало барање за промена на името во „Израелско кафе“ поради повикот за бојкот на производот од Турција.
„Се обидовме да ставиме до знаење дека нема никаква врска меѓу нашето турско кафе и Турција. Зрната кафе доаѓаат од земји кои произведуваат кафе како Бразил, Виетнам и Етиопија. Кафето од Турција не пристигнува“, рече Лауфер, пренесува Танјуг.
Тој објасни дека името „турско кафе“ доаѓа од препознатливото фино мелење што се користи во Турција и Грција.
(Vijesti.ba)
