Абдел Фатах ел Сиси освои трет претседателски мандат откако на изборите доби 89,6 отсто од гласовите, објави египетската национална изборна администрација.
Излезноста на претседателските избори во Египет е 66,8 отсто, се наведува во соопштението на ова тело.
Изборите, кои се одржаа од 10 до 12 декември, беа обележани со големи напори за мобилизирање на гласачите и покрај широката апатија.
Сиси првпат беше избран за претседател во 2014 година, а потоа повторно во 2018 година, и двата пати со 97 отсто од гласовите.
Сиси имаше тројца противници, од кои ниту еден не беше висок профил.
Најистакнатиот потенцијален кандидат се повлече од изборите, жалејќи се дека неговата кампања е опструирана и дека десетици негови поддржувачи се уапсени.
(Vijesti.ba)
