Денес израелската армија отвори оган врз новинари и палестински цивили кои се обидуваа да ја напуштат јужна Газа и вратат своите домови на север.
Израелската војска уби Палестинец додека раселените луѓе се обидувале да се вратат во своите домови во северниот дел на Појасот Газа за време на хуманитарна пауза.
Израелската војска во денес ги предупреди Палестинците да не се враќаат во северните делови на Појасот Газа за време на хуманитарната пауза што стапи на сила рано утринава.
Според известувачот на Anadolu Agency од теренот, израелската армија фрлила летоци во јужните делови на Газа, вклучително и Рафах, во кои ги советувала луѓето да не одат на север.
– Порака до жителите на Појасот Газа: војната се уште не е завршена, хуманитарната пауза е привремена, но северниот дел на Газа е воена зона – се наведува во летокот.
Исто така, се појаснува дека движењето е дозволено само од север кон југ по патот „Салахудин“ од источната страна на енклавата.
– Враќањето на север е забрането и опасно, вашата судбина и судбината на вашите семејства се во ваши раце – се заклучува во израелскиот леток.
Четиридневното хуманитарно примирје меѓу израелската армија и Хамас стапи во сила утринава во сите области на Појасот Газа, при што привремено беа запрени нападите во корист на размена на заробеници и испраќање помош.
Од почетокот на израелските напади врз Газа на 7 октомври, загинаа 14.854 Палестинци, меѓу кои повеќе од 6.150 деца и над четири илјади жени.
Во Израел загинаа 1.200 луѓе, меѓу кои повеќе од 310 војници, но 5.132 лица беа повредени.
