Палестинската новинарка Ајат Ал-Кадур беше убиена синоќа при израелски воздушен напад, при што беше погодена и куќата во која живееше.
Веста за нејзината смрт ја објави новинската агенција Middle East Monitor.
Според нивните информации, Ал-Каодур го објавила видеото во кое зборува за израелското бомбардирање, само неколку моменти пред еден од проектилите да ја погоди куќата во која живеела во источниот дел на Газа.
Во споменатата снимка оваа храбра новинарка навести дека можеби тоа е нејзиниот последен повик. За жал, се испостави дека била во право…
– Ова може да биде моето последно видео. Денеска окупаторот истрела бомби од бел фосфор на просторот на станбениот проект во Беит Лахиа, како и термобарични бомби. Фрлиле летоци со повик за евакуација на областа и сите си заминале. Сите панично истрчаа на улица, не знаејќи каде одат. Ние сме поделени. Мал број од нас, вклучително и јас, останавме дома. Сите останати се евакуирани. Не знаеме каде отидоа. Ситуацијата е крајно застрашувачка. Глетката е страшна. Тоа што ни се случува е тешко. Господ да нè помилува“, рече храбриот Ал-Каодур.
Малку порано таа документираше како Израел наводно користи фосфорни бомби кога гаѓа цивилни цели во Газа.
Патем, овие бомби се строго забранети со меѓународните Женевски конвенции за војна и претставуваат грубо кршење на правата.
Ayat Al-Khadour records her final video documenting the bombardment of Beit Lahia
Palestinian journalist Ayat Al-Khadour testified to the bombardment of her neighbourhood ‘Beit Lahia’ in her final video. ‘They used phosphorus and thermobaric bombs’ Al-Khadour said. Al-Khadour… pic.twitter.com/a4uTVxLw5j
— Middle East Monitor (@MiddleEastMnt) November 21, 2023
