На социјалните мрежи кружи видео на кое се гледаат јеменските Хути, бунтовници поддржани од Иран, како наводно слетуваат хеликоптер на товарен брод во Црвеното Море и го заробуваат.
На видеото се гледа како вооружени лица се симнуваат од хеликоптер и го киднапираат Galaxy Leader во јужниот дел на Црвеното Море. Хутите тврдат дека бродот е поврзан со Израел.
Меѓутоа, Израел вели дека бил во британска сопственост и управуван од Јапонците. Израелскиот премиер Бенјамин Нетанјаху тврди дека ова е чин на ирански тероризам.
#BREAKING Yemen's Iran-backed Houthis released footage showing the hijacking of the vessel Galaxy Leader, which is part-owned by an Israeli businessman Abraham “Rami” Ungar, who is known as one of the richest men in Israel, in the southern Red Sea yesterday. pic.twitter.com/bOpDaV68cz
— Clash Report (@clashreport) November 20, 2023
Хутите се дел од регионалната алијанса поврзана со Иран во која се вклучени и Хамас и либанскиот Хезболах, иако нема докази дека Техеран наредил запленување на бродот.
Хутите изминатиот викенд повторно предупредија дека ќе ги таргетираат „сите бродови“ поврзани со Израел. Јахја Сареа, воен портпарол, на Твитер изјави дека ова е одговор на „израелско-американската агресија“ и дека тоа значи бродови што пловат под израелско знаме или управувани од израелски компании.
(Vijesti.ba)
