Израе на болница во Газа и дал„само два часа да се евакуира“, соопшти хуманитарната организација MSF International.
На тамошната болница Ал Авда и е кажано да ги евакуира персоналот и пациентите, се вели во соопштението.
– Нашиот персонал се уште лекува пациенти – се наведува во соопштението објавено на Твитер.
– Недвосмислено ја осудуваме оваа акција, континуираното неселективно крвопролевање и нападите на медицинската помош во Газа. Се трудиме да го заштитиме нашиот персонал и пациентите – се вели во соопштението.
????BREAKING:
Israel has given Al Awda Hospital just two hours to evacuate. Our staff are still treating patients.
We unequivocally condemn this action, the continued indiscriminate bloodshed and attacks on health care in Gaza.
We are trying to protect our staff and patients.
— MSF International (@MSF) October 13, 2023
Детската болница Дура во Газа беше погодена од фосфорни бомби фрлени од израелски воени авиони. Изјавата на портпаролот на министерството Ашраф ал Кудра е објавена на Фејсбук страницата на палестинското Министерство за здравство во Газа.
Кудре, кој објави дека детската болница на истокот од градот е евакуирана откако била погодена од фосфорни бомби, не даде повеќе детали.
Министерството за внатрешни работи во Газа соопшти дека во израелските напади врз конвоите кои бегаат од Газа загинале најмалку 70 лица, главно жени и деца, а повеќе од 200 се повредени.
Автомобилите биле нападнати на три места додека оделе јужно од градот.
Палестинците почнаа масовен егзодус од северниот дел на Газа, откако израелската армија нареди околу милион луѓе да се евакуираат во јужниот дел на територијата.
Наредбата дојде кога се наѕираше можноста за потенцијална израелска копнена инвазија, при што Израел рече дека „значително ќе дејствува во градот Газа“ во наредните денови.
Генералниот секретар на ОН Антонио Гутереш ги повика израелските власти да „спречат хуманитарна катастрофа“, рече неговиот портпарол, откако израелската армија ги предупреди 1,1 милион луѓе кои живеат во северниот дел на Појасот Газа да ги евакуираат своите домови.
– Од синоќа генералниот секретар и неговиот тим се во постојан контакт со израелските власти, барајќи од нив да спречат хуманитарна катастрофа – изјави Стефан Дујарик на брифинг во седиштето на ОН во Њујорк.
ОН во четвртокот соопшти дека нивните офицери за врска со израелската војска ја информирале дека „целото население на Газа северно од Вади Газа треба да се пресели во јужниот дел на Газа во следните 24 часа“.
Постојаниот претставник на Палестина во Обединетите нации (ОН), Ријад Мансур, барањето на Израел 1,1 милион цивили во Газа да ги напуштат своите домови и да се преселат на југот на регионот го нарече етничко чистење и злосторство против човештвото.
Опишувајќи ги последните случувања како „втора Накба“, Мансур рече дека нема друго име за раселувањето на 2,3 милиони Палестинци од Појасот Газа.
Тој изјави дека новинарите треба да ги објават злосторствата на Израел против палестинскиот народ, со што ќе покаже дека Израел може да се запре.
– Не сакаме утре да се разбудиме и да најдеме илјадници Палестинци затрупани под урнатините. Не сакаме илјадници Палестинци да бидат убиени или да умрат од глад – рече Мансур.
Тој нагласи дека нема безбедно место во Газа.
– Она што го прави Израел е етничко чистење, злосторство против човештвото – рече Мансур и додаде дека оваа војна мора итно да се прекине и со тоа да се спречи етничкото чистење.
