Вооруженото крило на Хамас, Бригадите Изад-Дин ал-Касам, објави дека 150 нови ракети биле истрелани кон Тел Авив откако била погодена висока зграда во Појасот Газа.
По лансирањето на ракетите, се огласиле сирени за напад во израелските градови и населени места околу Појасот Газа и во главниот град Тел Авив.
Бројот на загинати во акцијата “Aqsa Flood”, што бригадите Из-Дин ал-Касам ја започнаа утрово против Израел од блокираниот Појас Газа, се искачи на 250, објави израелскиот ТВ канал „Канал 13“.
Исто така, беше констатирано дека бројот на повредени е зголемен на 1.100.
По утринава нападот на Хамас, израелската армија соопшти дека извршила напад врз Појасот Газа со десетици воени авиони.
Во израелските напади врз блокираната Газа загинаа 232 лица, а 1.697 се повредени, соопшти Министерството за здравство во Газа.
Израелскиот министер за енергетика и инфраструктура Израел Кац изјави дека Израел ќе го прекине снабдувањето со електрична енергија на Појасот Газа.
Појасот Газа добива најголем дел од својата моќ преку Израел, заедно со дополнителни извори од единствената електрана во Газа и мала количина од Египет. И електраната и индивидуалните генератори на многу луѓе зависат од дизел горивото, а залихите се носат преку Израел.
