„Партијата на чело со про-Кремљ личност излезе на врвот откако обезбеди повеќе гласови од очекуваното на изборите во Словачка, покажуваат прелиминарните резултати, што може да претставува предизвик за единството на НАТО и ЕУ околу Украина“, пишува Американски CNN денес.
Според прелиминарните резултати објавени од Словачкиот завод за статистика во 9 часот по локално време, популистичката партија СМЕР на Роберт Фицо освоила 22,9 отсто од гласовите.
Прогресивна Словачка (ПС), либерална и проукраинска партија освои 17,9 отсто.
Фицо, два пати поранешен премиер, сега има можност да се врати на поранешната функција, но за тоа ќе му требаат коалициски партнери бидејќи неговата партија не обезбеди доволно голем број гласови за сама да формира влада.
Говорејќи по неговата победа, Фицо рече дека ќе „направи сè“ што е во негова моќ за да започне мировни преговори меѓу Русија и Украина.
„Повеќе убиства нема да помогнат никому“, изјавил Фицо.
