Израелски војници убија 17-годишен Палестинец во Џенин, на окупираниот Западен Брег.
Израелската армија во последните денови продолжува со рациите и нападите врз палестинските градови за да ги открие сторителите на нападите во кои загинаа тројца еврејски доселеници во градовите Хеброн и Наблус.
Единиците на израелската армија, поддржани од засилувања, започнаа напади врз градовите Хеброн, Наблус, Џенин, Тулкерем и Чалкија на Западниот брег.
Во соопштението објавено од палестинското Министерство за здравство, беше објавено дека 17-годишниот Палестинец Осман Абу Херец бил застрелан во главата при напад на израелски војници врз Џенин.
Израелската армија соопшти дека во вооружен напад во градот Хувара, во близина на Наблус, на 19 август загинале двајца доселеници, додека вчера утрото еден доселеник бил убиен, а друг тешко повреден во напад во Хеброн.
