Апокалиптичните сцени доаѓаат од Словенија, која повторно беше зафатена од обилните врнежи.
Во текот на ноќта наврна големо количество дожд на север, северозапад и дел од централна Словенија, а многу градови се под вода.
Локалните власти ги повикуваат жителите на погодените области да останат дома и да се засолнат. Реките се излеаваат од коритата на многу места, меѓу кои Мозирје, Коменда, Медводе, Камник и Жири.
– Во Корушка многу патишта се затворени за сообраќај, реките веќе ги преминаа своите корита, многу куќи и подруми се поплавени, а предизвикани се и бројни одрони – соопшти денеска словенечката управа за заштита и спасување.
Во подрачја со обилни врнежи и поплави има и прекин во снабдувањето со електрична енергија. Во моментов најлошо е во Корушка и во Згорњосавињската долина, во Цеље најверојатно без струја има 12.000 корисници.
Во реонот од Равно на Корошкем до Черна на Корошкем целата област е без струја. Исто така, без струја е и просторот од Назари до Логарска долина, пренесе Електро Целје.
Хеликоптери ги спасуваат и заробените во Шкофја Лока. Во Отишко Врх, на патот Словењ Градец – Дравоград се урна дел од мостот на Мислиња. Патот е затворен.
