Европската унија суспендира финансиската поддршка и безбедносната соработка со Нигер веднаш по воениот удар во таа земја, објави во саботата шефицата на европската дипломатија.
Водачите на државниот удар го прогласија генералот Абдурахаман Тиани за шеф на државата во петокот, соборувајќи го претседателот Мохамед Базум.
ЕУ, САД и другите земји повикаа на безусловно ослободување на Базум од притвор и воспоставување демократски поредок во земјата.
– Покрај сегашниот прекин на буџетската поддршка, сите активности на соработка во областа на безбедноста се суспендирани на неопределен период со непосреден ефект – се наведува во соопштението на високиот претставник на ЕУ за надворешна политика, Жозеп Борел.
Нигер е главен примател на западната помош и клучен партнер на Европската унија во помагањето да се спречи нерегуларната миграција од субсахарска Африка. ЕУ има и мал број војници во Нигер за мисија за воена обука.
ЕУ одвои 503 милиони евра од својот буџет за подобрување на управувањето, образованието и одржливиот раст во Нигер во периодот од 2021 до 2024 година, според нејзината веб-страница, пренесува Ројтерс.
(Vijesti.ba / ФЕНА)
