Мобилните телефони, таблетите и паметните телефони ќе бидат главно забранети во училниците во Холандија од 1 јануари 2024 година, објави во вторникот холандската влада, чија цел е да го ограничи одвлекувањето на вниманието за време на часовите.
Уредите ќе бидат дозволени само доколку се неопходни, како на пример за време на часови по дигитални вештини, од медицински причини или во случај на лица со посебни потреби.
„Иако мобилните телефони се сеприсутни во нашите животи, тие немаат место во училницата“, изјави министерот за образование Роберт Дајкграф.
„Мораме да им овозможиме на учениците целосно да се концентрираат за време на часот и да обезбедиме можност за квалитетно стекнување на знаења. Научните истражувања покажаа дека мобилните телефони се ѓубре во училниците и мораме да ги заштитиме од тоа“.
Забраната е резултат на договор меѓу министерството, училиштата и сродните организации, пренесува Хина.
Училиштата ќе можат да ја спроведат забраната на начин што најмногу им одговара, рече Дијкграф, додавајќи дека доколку мерката не ги даде очекуваните резултати до летото 2024 година, ќе следат правни правила.
