Претседателот на Белорусија, Александар Лукашенко, зборуваше за тоа дали ќе ја претставува својата земја на самитот на ОН во септември и ги наведе условите под кои ќе дојде на средбата.
Иако овој настан е исклучително важен на глобално ниво, белорускиот претседател посочува дека нема да оди на настанот доколку таму не е рускиот претседател Владимир Путин.
– Се уште не го откажувам учеството на овој настан. За сега. Ќе се знае официјално дали ќе учествувам или не многу порано. Ќе се консултираме со „големиот брат“. Ако не оди, добро, зошто би одел таму без него?, рече Лукашенко.
Инаку, лидерот на Белорусија доби покана од генералниот секретар на ОН Антонио Гутереш да учествува на самитот за цели за одржлив развој.
Кога станува збор за односите меѓу ОН и Белорусија, специјалниот известувач на ОН за оваа земја, Анаис Марин изјави дека состојбата со човековите права во оваа земја е катастрофална.
– За жал, се е во ред. Имам добра причина да верувам дека намерно се заоструваат условите за притвор за осудените по политичка основа со сместување во дисциплински ќелии за помали прекршувања на затворските правила, изјави таа.
(Vijesti.ba)
