Саудиска Арабија во саботата објави дека досега примила повеќе од еден милион аџии за овогодинешниот хаџ.
– Околу 1.150.000 аџии веќе пристигнаа во Саудиска Арабија на хаџот – изјави за државната телевизија Ал-Ехбарија, Мохамед ал Биџави, потсекретар на Министерството за Хаџ и Умра.
– Протокот на аџии продолжува да расте во услови на континуирани подготовки – додаде тој.
Саудиска Арабија очекува да прими повеќе од два милиони муслимански аџии за Хаџ оваа година.
Според исламските прописи, извршувањето на хаџ е една од петте свети должности на муслиманите.
