Турскиот претседател Реџеп Таип Ердоган денес пристигна во Турска Република Северен Кипар во својата прва посета во странство откако повторно беше избран за претседател на 28 мај, јавува Анадолу.
Ердоган положи венец на споменикот на Ататурк во Лефкоша и ја потпиша спомен-книгата пред официјалната церемонија за пречек во претседателството од страна на претседателот на ТРСК, Ерсин Татар.
На дневен ред на состанокот меѓу двајцата лидери се билатералните односи, регионалните случувања и можните идни чекори за кипарското прашање.
Ердоган и Татар подоцна ќе одржат заедничка прес-конференција.
По посетата на ТРСК, Ердоган ќе го посети Азербејџан, каде што утре ќе се состане со претседателот Илхам Алиев.
Се очекува Ердоган и Алиев да разговараат за мерките за понатамошно унапредување на билатералните односи и соработката меѓу Туркије и Азербејџан и да разменат мислења за регионалните и меѓународните случувања.
