Германија и нареди на Русија да затвори четири руски генерални конзулати во земјата до крајот на годината, како контрамерка на неодамнешната одлука на руските власти да го ограничат бројот на вработени во германските дипломатски и културни институции во Русија, беше објавено во средата. .
– Германската влада одлучи да ја повлече работната дозвола за четири од пет руски конзулати во Германија – се наведува во кусото соопштение на МВР. Во саботата Русија одлучи да воведе „горна граница“ за вработените во германските институции во Русија, како што се дипломатските претставништва, училиштата и културните институти.
– Со тоа вкупното германско присуство во Руската Федерација се намали на 350 лица – соопшти германското Министерство за надворешни работи. Во соопштението се наведува дека со овој потег Москва отишла „во правец на ескалација“ и дека Германија е „водена до ваква ситуација со однесувањето на Русија“.
Најверојатно амбасадата и конзулатот во Берлин ќе останат отворени, додека генералните конзулати во Бон, Хамбург, Франкфурт и Лајпциг ќе бидат затворени. Како што е најавено, Германија ќе ги задржи својата амбасада и конзулат во Москва и генералниот конзулат во Санкт Петербург.
Односите меѓу Русија и Германија, некогаш најголемиот купувач на руска нафта и гас, се влошија по инвазијата на Украина во февруари 2022 година, а Западот одговори со санкции и испораки на оружје.
Германија планира да отпушти голем број вработени кои работат во нејзините мисии во Русија, откако Москва воведе ограничувања на бројот на луѓе на кои им е дозволено да работат во земјата, вклучувајќи ги наставниците и персоналот во Институтот Гете.
