Минеаполис стана првиот поголем град во Соединетите држави што дозволи сите пет муслимански повици за молитва, или езан, да се слушаат преку звучници.
Градскиот совет на Минеаполис во четвртокот вечерта гласаше едногласно со 12-0 за да дозволи повикот за молитва да се објави во џамиите и покрај постојните прописи за бучава.
Муслиманската застапничка група „Совет за американско-исламски односи“ (CAIR) во Минесота ја нарече одлуката „историска победа за верската слобода и плурализмот“.
„Им благодариме на членовите на Градскиот совет на Минеаполис што го дадоа овој одличен пример и ги повикуваме другите градови да го следат примерот“, изјави директорот на CAIR, Џејлани Хусеин.
Минатата година, Минеаполис го ограничи времето кога може да се свири повикот за молитва и јачината на звукот со која може да се репродуцира, според „CBS News“.
Градоначалникот Џејкоб Фреј се очекува да го потпише законот во рок од една недела, според Минеаполис Star-Tribune.
(Vijesti.ba / АА)
