Германската сојузна покраина Берлин ќе им дозволи на муслиманските воспитувачки да носат шамија, по забраната од 2005 година, потврдија властите во средата.
Носењето шамии и верски симболи генерално ќе биде дозволено од женските воспитувачки и може да биде ограничено само во поединечни случаи доколку претставува закана за училишниот мир, се вели во официјалното писмо упатено до директорите на училиштата од Одделот за образование во Берлин.
Според актот за неутралност на Берлин, кој им забранува на државните службеници да носат религиозна облека и симболи, на просветните работници во градот им е забрането да носат шамии од 2005 година.
Сепак, неколку судски пресуди во последните години нагласија дека целосната забрана за носење шамии претставува дискриминација и ги нарушува верските слободи загарантирани со устав.
Одделот за образование, млади и семејство на Сенатот ги информираше директорите на училиштата дека треба да ги почитуваат неодамнешните судски одлуки.
