Најмалку две лица се убиени во напад со нож врз исламски центар во Лисабон, главниот град на Португалија.
Повикувајќи се на полициски извори, португалската новинска агенција Луса јавува дека две лица се убиени во нападот утринава од наводен авганистански државјанин врз Исмаилискиот исламски центар во Лисабон.
Напаѓачот, за кој се наведува дека е повреден, е префрлен во болницата „Санта Марија“.
Мотивот за нападот се уште не е познат.
Португалскиот премиер Антонио Коста изјави дека полицијата рано интервенирала и веднаш го фатила напаѓачот.
