41
НАТО и Европската унија (ЕУ) објавија дека сметаат дека одлуката на Русија да распореди тактичко нуклеарно оружје во Белорусија е неодговорна.
Портпаролката на НАТО Оана Лунгеску рече дека руската реторика е опасна и неодговорна.
– НАТО е во состојба на готовност. Внимателно ја следиме ситуацијата. Не видовме никаква промена во нуклеарната позиција на Русија која ќе бара од нас да ја смениме нашата позиција – изјави таа.
Таа посочи дека изјавите на Русија за распоредување на нуклеарно оружје од страна на НАТО се погрешни, нагласувајќи дека сојузниците од НАТО се придржуваат до меѓународните обврски.
