Авганистанската администрација предводена од Талибанците формираше конзорциум од компании, вклучително и фирми од Русија, Иран и Пакистан за инвестирање во енергија, рударство и инфраструктура, изјави во средата вршителот на должноста министер за трговија.
Конзорциумот вклучува 14 авганистански бизнисмени, а Министерството потпиша меморандум за разбирање со странски компании кои ќе испратат делегати во Кабул за да разговараат за проектите.1
Авганистанската економија се бори со бројни економски тешкотии откако Талибанците ја презедоа власта во 2021 година. Дваесет години американска окупација ја исцрпи земјата веќе претходно зафатена од војна, додека поголемиот дел од државните резерви останаа заробени во американските банки откако Талибанците ја презедоа власта.2
Авганистан е многу богат со ресурси, но поради децениската американска окупација, војните, неразвиената економија и инфраструктура, како и географската непристапност, досега не беше можно да се користат овие ресурси.3
Талибанската влада е фокусирана на лансирање на неколку долгорочни бизнис планови, вклучувајќи конзорциум и специјални економски зони, додека активно работи на зајакнување на безбедноста на инвестициите.
Покрај рударските и енергетските проекти, конзорциумот ја разгледува можноста за инфраструктурни инвестиции како што е изградбата на втор тунел преку преминот Саланг што го поврзува северен Авганистан со остатокот од земјата, како и проект за пренасочување на водата од северната провинција Пањшир до главниот град, како и реконструкција на главниот автопат што го поврзува Кабул со западната провинција Херат.
Талибанската влада планира да ги претвори американските воени бази во отворени економски зони.
Испораките на нафта, гас и пченица според големиот договор со Русија минатата година почнаа да пристигнуваат во Авганистан по пат и железница преку централна Азија, рече тој, откако плаќањата беа извршени преку банкарски канали и покрај санкциите кои ограничуваа многу меѓународни плаќања.
