Фудбалскиот сојуз на Турција одлучи да им помогне на клубовите и нивните играчи кои се наоѓаат во подрачјата погодени од земјотресот.
Според одлуката на Извршниот одбор на турската куќа на фудбалот, сите клубови од тие региони можат да поднесат барање за повлекување од тековната сезона до 1 март, но од есен ќе можат да се натпреваруваат во истото натпреварувачко ниво.
Односно, повлекувањето од тековните првенства нема да доведе до нивно испаѓање во пониските лиги.
Освен тоа, Фудбалскиот сојуз на Турција им дозволи на играчите и тренерите на клубовите погодени од земјотресот да ги сменат тимовите до 15 март.
Повеќето клубови кои ќе ја продолжат сезоната ќе им помогнат на загрозените ривали со солидарни трансфери.
На пример, поранешниот играч на Партизан, Лазар Марковиќ до крајот на сезоната ќе игра како позајмен во Трабзонспор, а следната сезона ќе се врати во Газиантеп.
