Најмалку десет Палестинци загинаа, а 102 се повредени во рација на израелските сили во градот Наблус на окупираниот Западен Брег, соопшти палестинското Министерство за здравство, додавајќи дека шест лица се во критична состојба.
Палестинската Црвена полумесечина соопшти дека нивните лекари лекувале 295 лица погодени од солзавец испукан од израелските сили.
Израелските сили денеска извршија рација во неколку области во Наблус на северот на окупираниот Западен Брег.
Околу една куќа во Стариот град, израелските војници употребија боева муниција против Палестинците кои протестираа поради рацијата.
Според веста на официјалната палестинска агенција ВАФА, во интервенција на израелските сили биле повредени двајца новинари.
Радио на израелската армија јави дека двајца Палестинци кои се криеле во куќа во Наблус биле убиени во рамките на израелската воена операција во тој град.
Весникот наведува дека двајца Палестинци биле вклучени во нападот во кој загина израелски војник во октомври минатата година.
(Vijesti.ba / BHRT)
