Православната црква во турскиот град Мерсин ги отвори вратите за преживеаните од земјотресот во јужна Турција, обезбедувајќи им сместување и храна.
Поминаа седум дена откако силниот земјотрес, со епицентар во турскиот град Кахраманмарас, ја опустоши јужна Турција и северните делови на Сирија. Хуманитарните и други организации се обидуваат на секој начин да им помогнат на оние кои успеаја да ја преживеат невидената катастрофа.
Хуман гест дојде и од црквата во Мерсин, која припаѓа на Грчката православна црква, која ги отвори вратите за луѓето погодени од земјотресот и им излезе во пресрет на потребите за сместување и храна.
Црквата ги повика сите свои членови да им помогнат на настраданите по разорниот земјотрес што погоди 10 градови во Турција.
Во рамките на преземените активности, во внатрешноста на црквата беше направен студентски дом, а беа собрани основните потреби како храна, облека и средства за чистење.
Црквата, под координација на Канцеларијата на гувернерот на Мерсин, почна да испраќа жртви од земјотресот во нивните домови и куќи за гости.
Свештеникот Чоскун Тејмур изјави за Анадолија дека ги отвориле вратите за сите и ги мобилизирале сите нивни ресурси, како и дека црквата обезбедува три оброци на ден.
Тејмур изјави дека жртвите од земјотресот биле сместени во црквата два-три дена, а потоа биле упатени во домовите на членовите на заедницата на места кои за таа цел ги доделиле институции и организации.
– Хуманитарна организација изнајми хотел со 100 соби, кој моментално е полн. Некои од членовите на нашата заедница ги испратија клучевите од своите куќички – објасни Тејмур.
Иса Синемли, 22-годишен преживеан од земјотресот од областа Самандаг во Хатај, се заблагодари на црквата за поддршката во овие тешки моменти.
