Бразил и Аргентина наскоро ќе го објават почетокот на работата за создавање единствена валута меѓу двете земји, а првичниот фокус ќе биде на тоа како новата валута, која Бразил предлага да ја нарече сур (југ), може да ја поттикне регионалната трговија и да ја намали зависноста од доларот. За тоа пишува британскиот медиум The Financial Times.
Претседателите на Бразил и Аргентина, Луис Инасио Лула да Силва и Алберто Фернандез објавија во заедничка изјава дека двете најголеми јужноамерикански земји работат на поцврста економска поврзаност, која би вклучувала и воведување заедничка валута.
„Нашата намера е да ги отстраниме бариерите кои ја спречуваат нашата размена, да ги поедноставиме и модернизираме правилата и да ја поттикнеме употребата на локалната валута. Исто така, решивме да ги унапредиме дискусиите за воведување заедничка јужноамериканска валута што би можела да се користи и во финансискиот и во пазарниот сектор, со што ќе се намалат трошоците како и нашата надворешна ранливост“, се наведува во соопштението.
Аргентинскиот министер за економија Серџо Маса изјави за британски медиум дека „ќе биде донесена одлука да се започне со проучување на параметрите потребни за единствена валута“. Според него, планирано е да се поканат и други земји од Латинска Америка да се приклучат на овој проект.
Потсетуваме дека бразилската национална валута е реалната, а аргентинскиот пезос.
Извор:geopolitikanews
