Медлин Хофман повеќе од четири месеци патувала со велосипед од Германија до Турција за прв пат да го запознае својот татко, кој живее во турскиот град Кајсери.
Пред седум години оваа 33-годишна девојка дознала дека нејзиниот татко е Турчин.
Медлин, која во тоа време била модна дизајнерка која живеела во Сиднеј, Австралија, одлучила дека сака да оди на долго и необично патување за конечно да го запознае својот татко.
На 23 август таа тргна на пат
Таа дала отказ и се вратила во Германија, каде продолжила да живее, а на 23 август минатата година со велосипед тргнала за Турција.
Медлин редовно пишувала за своите искуства за време на патувањето на социјалните мрежи.
Пристигнувајќи во Кајсери, град во централниот дел на Турција, по повеќе од четири месеци конечно го запознала својот татко Дуран Текин, кој сега има 64 години.
Таа во интервју за Анадолија изјавила дека била шокирана кога дури на 26 години дознала дека нејзиниот татко е Турчин.
Таа решила да тргне на долго патување за „да ја открие другата половина од своето потекло и да се пронајде себеси“.
– Имав различни чувства бидејќи првпат требаше да се сретнам со татко ми. Овој момент го чекав 33 години. Четири и пол месеци патував со велосипед за да го доживеам овој момент, рече таа.
Сакала да се запознае со турскиот народ
Медлин, исто така, истакна дека сака што повеќе да се запознава со турскиот народ за да научи за нивната друга култура.
– Сакам да слушам турска музика, да пробам турска храна и да научам турски зборови, рече таа.
Откако го започна своето патување со велосипед од Германија, таа сепак патуваше низ Франција, Швајцарија, Италија, Хрватска, Словенија, Црна Гора, Босна и Херцеговина, Албанија и Грција, за конечно да стигне до нејзината крајна дестинација, Турција.
Текин заминал во Германија во 1973 година
Нејзиниот татко Текин рекол дека во 1973 година отишол во Германија и таму почнал да се занимава.
Тој истакна дека имал две ќерки со жена што ја запознал во Германија, додавајќи дека раскинале од различни причини.
Текин изјавил дека долги години не ги видел ќерките, посочувајќи дека пред неколку години контактирал со општината и почнал да си ги бара ќерките.
Како што рекол, најстарата ќерка ја запознал во Германија, но помалата ќерка Медлин не можел порано да ја запознае бидејќи тогаш живеела во далечната Австралија.
