Во најсмртоносната авионска несреќа во Непал во последните 30 години загинаа и четворица пријатели од Индија, а еден од нив ненамерно на Facebook Live го снимил падот на авион ATR 72 во сопственост на Yeti Airlines, пишува The Guardian.

Пријателите патувале во градот Похара, каде што планирале да ги посетат храмовите и да одат на летање во планинскиот венец Анапурна. „Навистина е забавно“, рекол еден Индиец додека камерата на мобилниот телефон која ги снимила неговите зборови била насочена кон градот, пренесува Јутарњи.хр.

Снимателот ги снимал шегите на пријателите и смеата што следела. Во еден кадар се појавил насмеан 29-годишниот бизнисмен Сону Џаисвал, татко на три деца.

Видеото снимено од пријатели покажува дека патниците и членовите на екипажот не знаеле дека авионот е во неволја додека не почнал да паѓа.

Вишал Косвал, 21-годишен близок пријател на четворицата Индијци потврди дека видеото од авионската несреќа и нивната смрт е автентична.

Четворицата пријатели се Џаисвал, 28-годишниот Анил Раџбхар, 23-годишниот Вишал Шарма и 23-годишниот Абхишек Синг Кушваха. И полицијата го потврди нивниот идентитет.

Косвал требаше да патува со нив, но се повлече по смртта во семејството. Младиот човек рекол дека разговарал со четворица пријатели за време на летот. Тој вели дека се слушнале неколку часа пред несреќата. „Сону ни ги покажуваше планините и беше возбуден. Ми кажа дека ќе посети неколку храмови во Похара и ќе се врати дома со воз навечер“, изјави Косвал.

Тој ги опиша четворицата пријатели како „браќа“. „Сето ова изгледа како кошмар. Сè уште не можам да верувам дека ги изгубивме сите. Не можам повторно да го гледам видеото од падот, многу е тешко и болно. Не снајде голема трагедија“, изјавил Косвал.

Во најсмртоносната авионска несреќа во последните 30 години во Непал загинаа 68 патници, а по четворица се уште се трага.

RELATED ARTICLESMORE FROM AUTHOR