Сите летови низ САД беа откажани денес наутро, откако Федералната управа за авијација соопшти дека има прекин на компјутерот.
Сите летови кон САД беа приземјени по инцидентот, изјави за NBC News извор запознаен со ситуацијата.
Во известувањето на својата веб-страница, ФАА соопшти дека нејзиниот систем за известување за воздушна мисија (НОТАМ) „слегол“ во средата наутро.
„Техничарите моментално работат на обновување на системот и во моментов нема проценка за обновување на услугата“, се вели во соопштението.
FAA работи на обновување на својот систем и се вршат конечни проверки за валидација.
Американскиот претседател Џозеф Бајден нареди истрага на Министерството за транспорт (ДОТ) за исклучувањето откако беше информиран за ситуацијата, рече прес-секретарот на Белата куќа Карин Жан-Пјер.
„Во моментов нема докази за сајбер напад, но претседателот му нареди на ДОТ да спроведе целосна истрага за причината“, напиша таа на Твитер.
Американскиот секретар за транспорт Пит Бутиџиг објави дека е во контакт со Федералната управа за авијација.
„Бев во контакт со FAA ова утро во врска со прекинот што влијае на клучниот систем за обезбедување безбедносни информации за пилотите. „ФАА работи на брзо и безбедно решавање на овој проблем за воздушниот сообраќај да може да продолжи со нормална работа и ќе продолжи да обезбедува ажурирања“, истакна тој.
