Во близина на граничниот премин Маљевац во Велика Кладуша има одредена група граѓани од Чеченија кои пристигнале пред еден месец, и кои се обидуваат да го продолжат патот кон Европската унија, каде што имаат намера да побараат азил.
Како што јави локалниот известувач Адемир Велаџиќ, во моментов во оваа област има околу 50 Чеченци кои живеат во мали групи на подерачјето на Краина, но според информациите на порталот GPMaljevac.COM, во Велика Кладуша има повеќе од 300 бегалци од Чеченија.
Тие пристигнале во областа на Унско/Санскиот кантон преку рута која стана актуелна пред околу еден месец, која вклучувала воздушен транспорт од Москва до Истанбул, а потоа Истанбул до Сараево, по што се префрлени во областа Краина од страна на локалните транспорт, според Klix.ba.
Со оглед на билатералните односи меѓу Русија и Босна и Херцеговина, граѓаните од Чеченската Република целосно легално престојуваат на територијата на БиХ, но според нив целта е да се најде азил во ЕУ.
Граничната полиција досега немала ниту еден проблем со нив, но поради состојбата на овој простор засилени се патролите и контролата на граничните премини каде според неофицијални информации на порталот GPMaljevac.COM полицијата не им дозволува да влезат во Европската Унија, т.е. Хрватска.
Како што неофицијално дознаваме, граничната полиција од засега непознати причини враќа бегалци без да им обезбеди писмени докази зошто ги враќа од граница, ниту пак им е наведена причината за нивното враќање. Оваа информација ја потврдил еден Чеченец кој го контактрирал интернет порталот за состојбата на граничниот премин Маљевац.
Потсетуваме дека лицата кои ги напуштиле своите земји поради нивната работна ситуација мора да добијат влез во ЕУ и да добијат азил, право на престој во една од земјите на ЕУ.
Покрај мажите, во групата Чеченци може да се забележат и голем број жени, постари лица и мали деца на возраст од неколку години.
