Саудиска Арабија денеска соопшти дека борбен авион Ф-15 на нејзините воздухопловни сили се урнал за време на рутинска мисија за обука поради техничка неисправност.
Портпаролот на Министерството за одбрана, Турки ал-Малики рече дека „борбен авион Ф-15 на воздухопловните сили се урна на полигонот во воздухопловната база „Крал Абдулазиз“ на истокот од земјата, пилотот и копилотот ја преживеаја несреќата благодарение на исфрланите седишта. “, пренесоа од агенција СПА. Властите покренаа истрага за инцидентот. Кралските саудиски воздухопловни сили моментално имаат приближно 1.106 авиони и 40.000 активен персонал.
RSAF еволуираше од претежно одбранбена воена сила во сила со напредни офанзивни способности и ја одржува третата по големина флота на F-15 по американските и јапонските воздухопловни сили. Саудиските воздухопловни сили располагаат со 230 авиони Ф-15, како и 72 помодерни авиони Еурофајтер Тајфун.
