Вашингтон е револтиран од „октомвриското изненадување“ на Саудиска Арабија – намалувањето на производството на нафта во земјите од ОПЕК+, пишува „Њујорк тајмс“.
Според американските претставници цитирани од изданието, за време на турнејата на Блискиот Исток, американскиот претседател Џо Бајден и принцот Мохамед бин Салман наводно направиле „таен“ договор за зголемување на производството на нафта.
„Деталите за договорот за нафта не се откриени, но требаше да доведе до зголемување на производството на нафта од септември до декември, но тоа не се случи. Како причина зошто сè тргна наопаку, се сомнева дека Мохамед бин Салман ја измамил администрацијата на Бајден“, открива публикацијата.
Според авторот на статијата, оваа епизода била очигледен пример за тоа како Саудиска Арабија се обидува да се ослободи од својата долгогодишна зависност од САД. Некои претставници на Белата куќа веруваат дека Москва го убедила Ријад да го промени курсот, бидејќи саудискиот принц има многу силни врски со рускиот лидер Владимир Путин.
На почетокот на октомври, земјите-членки на ОПЕК +, предводени од Саудиска Арабија, одлучија да го намалат производството на нафта за два милиони барели дневно од ноември. Овој потег беше остро критикуван од Соединетите држави, кои побараа кралството да го зголеми производството за да и помогне на ЕУ да ја намали потрошувачката на „црното злато“ од Русија, среде нејзината конфронтација со Западот.
Така, координаторот за стратешки комуникации во Советот за национална безбедност на САД, Џон Кирби, ја објави подготвеноста на Бајден да ги преиспита односите со Саудиска Арабија.
