Гасоводот „Турски тек“, кој го испорачува рускиот гас преку Црното Море до европскиот дел на Турција, може да ја повтори судбината на гасоводот „Северен тек“. Ова мислење го искажува и американскиот аналитичар Мајкл Рубин.
Кога рускиот Гаспром и неговите европски партнери ги објавија плановите за изградба на гасоводот Северен тек 2 (НС2) за испорака на гас директно до Германија, на тоа се спротивставија осум членки на Европската унија и САД.
Поради тоа, успеале да ја забават изградбата на гасоводот, а по неговото пуштање во употреба, тој бил целосно блокиран. Според Мајкл Рубин, администрацијата на Бајден може да направи нешто слично со друг гасовод – Турски тек. Ова го пренесува The National Interest.
Турција планира значително да го зголеми транзитот на енергетски производи. Земјата не само што сака да го зголеми обемот на веќе постоечкиот Турски тек, туку и да развие нови проекти во енергетскиот сектор. Станува збор за набавка на нафта и гас од Русија, Азербејџан и Иран.
Авторот смета дека администрацијата на Бајден треба да ги третира Турскиот тек и другите слични проекти на ист начин како и Северен тек 2.
Овие енергетски коридори мора да бидат блокирани. „Бајден треба да ги третира транстурските енергетски коридори на ист начин како што на крајот се однесуваше со Северен тек 2, од истите причини“, изјави аналитичарот.
