Италијанската енергетска компанија ЕНИ соопшти дека од денеска е запрен протокот на гас од руската енергетска компанија Газпром. – Газпром изјави дека не може да ја испорача бараната количина гас за денеска.
Тој изјави дека протокот на гас низ Австрија не е можен. Според тоа, руската испорака на ЕНИ преку влезната точка во Тарвизио денеска ќе биде 0 – се наведува во соопштението. Во интервју за италијанската агенција АНСА на оваа тема, неименуван функционер на ЕНИ рече дека од денеска Газпром не може да обезбеди проток на гас до ЕНИ и изјави дека Австрија испорачува гас преку Словачка.
Тој додаде дека се во контакт со Гаспром за да се врати протокот на гас, пренесува Анадолија. Италијанските медиуми јавуваат дека протокот на гас од Русија во Италија во моментов е помалку од десет отсто од вкупното снабдување со гас и дека прекинот на претоварната точка во Тарвизо нема да предизвика голема промена на ситуацијата. По војната на Русија против Украина, Италија се обиде да го диверзифицира снабдувањето со гас.
Италија го зголеми купувањето на гас со земји како Алжир и Ангола, а од јули ја намали зависноста од рускиот гас од 40 на 25 отсто.
(Vijesti.ba / ФЕНА)
