Од наставниците било побарано во најлошо сценарион на учениците да им поделат апчиња против зрачење.
Од полските наставници било побарано да им поделат апчиња со јод против радијација на учениците во итен случај. Локалните власти пренесуваат дека се подготвуваат за потенцијален нуклеарен инцидент, додавајќи дека таквото сценарио е малку веројатно. Марек Плесниар, шеф на Националната асоцијација на персоналот за управување со образованието (OSKKO), во петокот за весникот Rzeczpospolita изјави дека наставниците добиле инструкции дека, во случај на итност, мора да даваат апчиња со калиум јодид, кои помагаат да се спречи труење со зрачење.
Тој додаде дека на некои им било кажано дека ќе мора да ги дистрибуираат апчињата во рок од шест часа по предупредувањето. Портпаролот на градскиот совет на Варшава Јакуб Ледучовски за весникот изјави дека властите прават подготовки за можна нуклеарна закана.
Сепак, тој изјави дека во моментов „ризикот од радијација е минимален“. Полска и Украина имаат заедничка граница. Полското Министерство за внатрешни работи во понеделникот соопшти дека таблетите со калиум јодид биле испратени до регионалните противпожарни служби по „медиумските извештаи за борби во близина на нуклеарната централа Запорожје“ во јужна Украина.
Руските трупи ја зазедоа најголемата нуклеарна централа во Европа набргу откако Москва започна воена операција кон крајот на февруари. Москва и Киев оттогаш меѓусебно се обвинуваат за гранатирање на објектот, кој сè уште работи со локалниот персонал. Официјални лица на градот Енергодар, кој се наоѓа во близина на фабриката, во вторникот објавија дека во гранатирањето бил оштетен неговиот систем за ладење.
