Бактеријата Listeria monocytogenes е пронајдена во пилешки колбаси од италијанскиот бренд „Wudy“ на пазарот во БиХ, па на потрошувачите им се препорачува да не ги консумираат овие производи, соопшти Агенцијата за безбедност на храна на БиХ. Listeria monocytogenes има способност да расте на ниски температури, што и овозможува да се размножува во храната во фрижидер.
Ризични групи за листериоза се бремени жени, лица со ослабен имунитет, болни од рак, дијабетичари, астматичари и постари лица, а компликации може да се појават и кај здрави луѓе, особено ако храната била силно загадена со бактерии. Агенцијата за тоа е информирана преку системот за брзо предупредување на ЕУ за храна и добиточна храна. Емитува „Кликс“.
