Драго ми е што заедно го завршивме овој скапоцен проект, кој е знак на нашето пријателство и братство. Верувам дека овој центар ќе биде една од главните адреси за средба и дружење во градот каде што ќе поминуваат време и нашите пријатели од друга вероисповед, рече претседателот на Турција, Реџеп Таип Ердоган во своето обраќање на свеченото отворање на Исламската Културен центар во хрватскиот град Сисак.
На програмата на отворањето присуствуваа претседателот на Република Хрватска, Зоран Милановиќ, претседателот на џамијата на Исламската заедница (ИЗ) во Хрватска, муфтијата Азиз Хасановиќ од Загреб, реисул-улемата на Исламската заедница (ИЗ) во Босна и Херцеговина, Хусеин еф Кавазовиќ и делегации од повеќе земји, меѓу кои и Турција.
Ердоган на самиот почеток изрази благодарност до претседателот на Хрватска, претседателот на Исламската заедница Мешихат (ИЗ) во Хрватска и сите луѓе во Хрватска што комплексот во Сисак го именувале по него. „Фала му на Бога што заедно го завршивме овој скапоцен проект, кој е знак на нашето пријателство и братство. Верувам дека овој центар ќе биде една од главните адреси за средба и дружење во градот, каде што ќе поминуваат време и нашите пријатели од друга вероисповед. Верувам и дека центарот ќе придонесе за убавината на градот Сисак со својата величествена архитектура.
Уште еднаш посакувам ова вредно дело да биде корисно за нашите пријатели и за сите нас“, рече Ердоган, пренесува АА. Тој потсети дека пред шест години ја посетил Хрватска по повод 100-годишнината од прогласувањето на исламот за рамноправна религија во земјата. „Во тоа време од Загреб испративме пораки против дискриминација, нетолеранција, исламофобија и ксенофобија до цела Европа и светот. Денеска од Хрватска, овој пат од градот Сисак, испраќаме топли пораки за пријателство, братство, мир и соживот и секако тоа не е случајно. „Хрватска е пример за земја во Европа во однос на слободата, благосостојбата и почитувањето и обезбедувањето на правата на муслиманите“, рече Ердоган.
Тој нагласи дека Турција никогаш не ги заборавила своите браќа и пријатели во овој регион со кои, како што рече, споделува заедничка историја и поседува силни човечки и културни врски. „Во нашите срца никогаш не сме го одвоиле Сисак од Амасија, Загреб од Анкара, Сараево од Истанбул или Мостар од Ризе. Секогаш со нетрпение ги очекувавме среќните моменти на нашите пријатели, а нивната болка ја доживувавме како своја“, рече турскиот претседател и потсети на силната солидарност што досега ја покажале меѓусебно: „По земјотресот што се случи на подрачјето на Сисачко-мославинската жупанија, се обидовме со сите средства да застанеме покрај Владата на Хрватска и нејзините граѓани. И нашите пријатели од Хрватска беа секогаш покрај нас кога се случуваше некоја катастрофа овде. Сигурен сум дека ќе ја продолжиме нашата соработка и во иднина“.
