Израелскиот министер Бени Ганц му poračal на американскиот советник за национална безбедност Џејк Саливан дека САД треба да имаат опција да го нападнат Иран, дури и ако се постигне договор за нуклеарно оружје со оваа земја.
Средбата меѓу двајцата високи функционери се одржа вчера, 26 август, во Вашингтон. Ганц рече дека Израел ќе го задржи, како што рече, правото на оперативна слобода, дури и ако се постигне договор. Извор од „Џерусалим пост“ од израелското Министерство изјави дека Американците позитивно реагирале на изјавата на Ганц.
Според овој извор, Ганц и Саливан разговарале за потребата од продолжување на израелско-американските активности против Иран, како дел од глобалните напори да се спречи Иран да развие нуклеарно оружје. Овој договор не е мировен договор“, изјави споменатиот извор. Израелскиот министер му рекол на Саливан дека е против новиот, предложен договор и дека има несогласувања меѓу Израел и САД по ова прашање. Ганц истакна дека предложениот договор е далеку од тоа да биде во корист на националната безбедност на израелскиот режим.
