Турскиот град Шанлиурфа на состанокот на министрите за туризам на Организацијата за соработка на исламските земји (ОИЦ) е избран за туристички град на исламските земји во 2023 година.
Состанокот на ОИК се одржува од 27 до 29 јуни во главниот град на Азербејџан, кој претседава со организацијата. За време на состанокот, министрите за туризам гласаа за градовите кои претходно аплицираа за титулата туристички град на исламските земји во 2023 година, а најмногу гласови доби турскиот кандидат Шанлиурфа.
Шанлиурфа или „градот на пророкот“ е познат по својот религиозен туризам и богатото културно и историско наследство, а по Мека, Медина и Ерусалим, е познат како четврта најважна дестинација за верски туризам во светот. Тоа е град во кој, според преданието, се родил Ибрахим или Авраам, таткото на трите монотеистички религии и бил запален на клада, и каде живееле многу други пророци, меѓу кои и Ејуб, Муса и Шуајб
