Патниците од сите земји, без разлика дали се државјани на ЕУ или трети земји, сега можат да влезат во Германија без ограничувања, бидејќи државата веќе ги отфрлила сите свои правила за влез на Ковид-19
Германското федерално министерство за надворешни работи минатата недела објави дека од 11 јуни, привремено ќе бидат укинати сите ограничувања за влез на Ковид-19 наметнати за да се запре ширењето на вирусот, пренесува SchengenVisaInfo.
Дополнително, федералното минстерстцо истакна дека влезот во Германија ќе биде дозволен за секакви намени.
„Од сабота, 11 јуни 2022 година, привремено ќе бидат укинати сите ограничувања за влез на Ковид-19 во Германија. Од овој датум, влезовите во Германија повторно ќе бидат дозволени за сите цели на патување (вклучувајќи туризам и посети), се вели во соопштението на Федералното Министерство за надворешни работи.
Ова значи дека патниците од целиот свет сега можат да влезат во Германија без да се бара да приложат валидна потврда за вакцинација, доказ за прележан или тест по нивното пристигнување, без оглед на причината за нивното патување.
Сепак, властите забележаа дека постои голем исклучок. И покрај тоа што земјата одлучи да ги укине правилата за влез за сите патници, беше нагласено дека оние кои патуваат од Народна Република Кина сè уште треба да обезбедат суштинска причина за нивниот влез во Германија поради недостатокот на договор за реципроцитет меѓу двете земји.
„На лицата кои живеат во Народна Република Кина сè уште им треба важна причина да влезат во Германија (поради реципроцитет)“, соопшти Федералното Министерство за надворешни работи.
Освен Германија, патниците можат да влезат и во неколку други земји од ЕУ/ЕЕА без ограничувања. На листата на земји кои ги отфрлија сите правила за влез се Австрија, Белгија, Бугарија, Чешка, Хрватска, Кипар, Данска, Грција, Унгарија, Исланд, Ирска, Италија, Латвија, Литванија, Норвешка, Полска, Романија, Словенија, Шведска и Швајцарија.
„Visaschengen“
„Dubai-Portal“
