Едно девојче загина, а осум лица се повредени во пукотница што се случила во саботата вечерта во трговски центар во градот Феникс, во американската сојузна држава Аризона, соопшти полицијата.
Полицискиот функционер Енди Вилијамс изјави дека во престрелката се ранети девет лица и се пренесени во болница, а 14-годишно девојче им подлегнало на повредите, пренесе АП. Две повредени жени се во животна опасност, а шест лица се со полесни повреди. Осомничениот за престрелката не е идентификуван и никој не е уапсен.
Seems we can’t go a day without another mass shooting.
This time, it’s Phoenix, at 10th Ave & Hatcher.
Time has run out.
Change must happen now.— Mayor Kate Gallego (@MayorGallego) June 4, 2022
Вилијамс изјави дека по кавгата неколку лица, очигледно некој извадил пиштол и испукал неколку истрели, пренесе Танјуг.
Градоначалничката на Феникс, Кејт Галего, реагираше на Твитер и напиша: „Изгледа дека не може да помине ниту еден ден без пукање на јавно место. „Времето истекува, промените мора веднаш да се случат.
